Masyado na atang sinusuwerte si Catriona Gray! Bukod sa pagsungkit sa Miss Universe crown, matagumpay din siya bilang isang fan girl.

Matatandaang unang nagkita ang beauty queen at si Ne-Yo nang kinanta nito ang 2008 hit song na ‘Miss Independent’ sa Miss Universe 2018 pageant.

Ginanap naman ang #NEYOLiveInManila sa The Big Dome Lunes ng gabi, January 23. Isa ang 29-year-old sa masusuwerteng audience na napiling umakyat sa stage.

Catriona Gray doing her iconic lava walk again here at #TheBigDome 👑✨#NEYOLiveInManila #NEYO #NEYOatTheBigDome pic.twitter.com/Q8QZJBB8O6

— SmartAranetaColiseum (@TheBigDome) January 23, 2023

Nu’ng tinanong kung ano ang pangalan niya, excited na sinabi ni Catriona, “My name is Catriona. I actually walked with you in Thailand!”

Ikinagulat naman ito ni Ne-Yo at sumagot ng, “I remember you!”

Nagyakap ang dalawa bago kumanta si Ne-Yo at ipinakita ulit ng Miss Universe 2018 ang iconic lava walk!

Catriona Gray, puwede mo bang ituro sa amin kung nasaan ang pila?