Climate Change Ma Apektihan Apil ang Davao City

PREDICTION: DAKONG BAHIN SA DAVAO CITY, MALUBOG SA TUBIG DAGAT KUNG MUTAAS ANG SEA LEVEL SA PAGKATUNAW SA TANANG ICE GLACIERS NGA HATUD SA EPEKTO SA CLIMATE CHANGE
Subay sa projections, usa ang Pilipinas sa mga nasud nga malubog sa tubig dagat kung musaka ang sea level ngadto sa 216 feet (65.8 meters) kung matunaw man ang tanang ice glaciers sa north og south poles nga hatud sa epekto sa climate change, partikular ang global warming.
Sa Davao City, gibana-banang maapektuhan ang dakong bahin sa syudad nga gawas sa coastal areas sama sa Toril, Talomo, Boulevard, Agdao, Sasa, Lasang og Matina, maapil gihapon bisan pa man ang mga anaa na sa tag-as na bahin sama sa Buhangin, Magtuod, Catalunan areas, Lampianao og Mandug, labina ang duol sa Davao River. Samtang sa tibook Davao Region, maapektuhan ang dakong bahin sa Davao del Norte, portions sa Davao de Oro, Davao Oriental, Davao del Sur og Davao Occidental.
Gawas sa Davao, pipila ka mga lugar sa nasud ang maapektuhan sa sea level rise sama sa Butuan, Cebu City, Iligan City, Cagayan De Oro City, Tacloban City, Zamboanga City, Iloilo City, General Santos City, Gingoog City, Tagbilaran City, Metro Manila, Dagupan City, Naga City, Olongapo City, Bacolod City, Ormoc City, Legazpi City, og Ozamiz City.
Ang mga human activities sama sa paggamit og fossil fuels, taas na concentration sa carbon dioxide og greenhouse gasses emissions ngadto sa atmosphere maoy hinungdan sa pagsaka sa average world temperature na maka-trigger sa global warming. Ang padayung pag-init og pagsaka sa global temperature maoy makatunaw og makalanay sa mga ice sheets og glaciers labina sa may Greenland, Arctic region og Antarctica.
Dili man dayun mabati ang epekto niini apan napansin na sa mga scientist nga hinay-hinay na ning nagkahitabo. Ang pagsaka sa sea level maoy hinungdan sa coastal erosion, pagbaha sa mga coastal areas og dagko na mga balud labina kung mahitabo storm surges nga hatud usab sa mga bagyo.
Kahinumduman nga sa niaging adlaw nagviral ang panawagan na #LetTheEarthBreath sa social media diin gipahibalo sa mga scientist nga kung dili muhimo og lakang ang kalibutan og solusyonanan ang epekto sa climate change, possible nga sa umaabot na katuigan mahimong mugrabe pa og dili najud kayang masulbad ang epekto niini diin bisan unsa na matang sa nilalang ning kalibutan ang apektado.

“These maps are generated by creating a water layer at 216 feet above sea level.”
©Project LUPAD
https://on.natgeo.com/2Gu2Lov
https://www.projectlupad.com/what-the-philippines-would-look-like-if-all-the-ice-melted/?fbclid=IwAR3EDKK3hVO8ug8UcjIWtID0U3MpDrcoF78gaJMMxZDHG11GxBbuU14AgjM