Tunay nga bang may namumuong tensyon sa pagitan ng VXON at ng ibang P-Pop artists?
Diretsahang sinagot 'yan ng VXON sa kanilang pagbabalik sa HANGOVER! Hindi naman nagpatumpik-tumpik pa ang P-Pop group na VXON at agad nilang sinabi na walang katotohanan ang chismis na ito.
Banggit ni VXON Vince na nasa iisang industriya lang naman daw silang lahat at alam nila ang pinagdaraanan ng isa't isa. Alam nilang lahat kung ano ang nangyayari sa loob at labas ng P-Pop scene.&nbsp;
Sa katunayan nga raw, tuwing may bagong mga kanta ang ibang P-Pop artist, napaka-supportive nila sa bawat isa. Sabi ni VXON Franz, "Makikipag-collaborate talaga kami sa isa't isa just to promote our song."
Hindi rin naman daw nila itinatanggi na walang kompetisyon, pero isa lamang daw itong friendly competition kung saan sinusuportahan lang nila ang kani-kanilang likha.
Tapos ang usapan! Gano'n na lang kalapit sa isa't isa ang ating P-Pop artists! Ika nga, P-Pop rise!
Panoorin ang buong HANGOVER interview ng VXON dito:&nbsp;
<iframe title="YouTube video player" src="https://www.youtube.com/embed/WUcSFAOioXg?si=mME4QARM8ON2vZ_s" width="560" height="315" frameborder="0" allowfullscreen="allowfullscreen"></iframe>