Sa nakaraang guesting ng The Knobs sa Hangover PH ay hindi sila nakaligtas sa Spicy Sizzling Gossip set of questions ni Sexy Megan. Kabilang sa mga tanong na ito ay ang dahilan kung bakit apat na lang sila ngayon.
Kung babalikan natin, maaalalang may limang miyembro ang The Knobs na kinabibilangan ng magkakapamilyang sina Jayr Corre (vocals, bass), Marco Corre (drums), at Raffy Corre (rhythm guitar), kasama ang malalapit na kaibigan na sina Emman Lopez (lead guitar), at Sky Cepe (keyboards).
Ngayong taon ay nag-comeback ang banda pero mapapansin na apat na miyembro na lang ang palaging nakikita sa gigs at shows na pinupuntahan nila. Hindi naman ito nakaligtas sa mata ng mga utaw kaya tinanong na rin ni Mayora Sexy Megan kung pansamantala lang ba ang ganitong setup o apat na lang talaga sila sa banda.
Diretsehan naman nilang itinanggi ito at sinabing bawat isa sa kanila ay may kanya-kanyang pinagkakaabalahan bukod sa pagbabanda at ang dahilan kung bakit hindi na nila madalas na nakakasama ang kanilang ama na si Raffy Corre ay dahil naging abala ito sa kanilang construction business. May mga panahon daw kasi na hindi na mapagsabay ang pagtugtog sa dami ng projects na pumapasok sa kanila.
Nilinaw ng The Knobs na hindi naman umalis at walang naganap na problema sa pamilya, sadyang na-busy lang talaga! Kaya para sa mga nagtatanong diyan, lima pa rin sila! Hahaha! Nagpahinga lang daw si Daddy (Naki-daddy?! HAHAHA!) para hindi mag-overload ang mga ganap sa buhay! Binigay pa nilang example ang isa pa nilang kabanda na si Marco na hindi wala noong araw ng interview dahil may pasok sa school.
'Yon naman pala, Kabisyo! Buo pa rin sila, medyo busy lang kasi talaga! Kulang na nga lang daw, eh ampunin na nila sina Emman at Sky para isang buong pamilya na talaga ang atake ng banda!
Marami pang na-reveal sa interview na 'to kaya panoorin niyo na ang episode na 'to sa YouTube Channel ng Hangover PH, Kabisyo!
Para sa marami pang chika at nakakalurkei na balita, siguraduhin mo lang na lagi kang updated sa mga ganap ng Love Radio Manila!
&nbsp;