Kung may award para sa “Most Patient Dad,” mukhang pasok na pasok si Tatay Cero dito, mga Kabisyo! Viral ngayon ang nakakalurkei na video na ibinahagi ni Chen Maglajos kung saan makikitang chill lang ang kanilang tatay habang hinihintay siya at ang mga kapatid niyang matapos mag-ayos.

Ayon kay Chen, plano nilang mag-museum hopping, pero siyempre, hindi mawawala ang mahabang preparation time! Bonggacious dapat ang ganda ng mga eabab na ito, kaya naman umaabot daw ng dalawang oras bago sila matapos sa pag-aayos!

Pero imbes na mainip o magreklamo, game lang si Tatay Cero. Sanay na raw siya sa kanilang “pre-date routine” at minsan pa nga, nakiki-bonding habang nag-aayos ang mga anak. Sana all, ‘di ba?

Love na love talaga namin ang mga tatay na tahimik lang sa gilid, pero laging present at game sumuporta sa kanilang junakis!