Isang valedictory speech mula sa University of St. La Salle Bacolod ang naging viral nitong linggo matapos ibahagi ng isang Psychology graduate ang kanyang personal na pinagdaanan patungo sa pagtatatapos bilang estudyante at nakamit pa ang karangalang Summa Cum Laude.&nbsp;
Marami ang naantig sa talumpati ni Tricia Ann Anda dahil kinilala niya ang kahirapan ng mga taong nakasalamuha niya sa kanyang pag-aaral kasama na rito ang mga janitor, utility, ang Registrar's office, at ang maintenance staff. Siya man daw ang nakakuha ng pinakamataas na GPA, ang mga kaklase niya naman daw ay nakakuha ng napakalalim na respeto mula sa kanya.
Hindi itinanggi ni Tricia na komportable ang buhay at pag-aaral niya mula pagkabata. Pinagpala raw siya na mayroon siyang pribilehiyo na magkaroon ng sapat na pera at supportive na magulang.
Ayon sa kanya, "I lived comfortably my whole life. I did not have to worry about tuition. I did not have to wake up at 4:00 a.m. to catch a jeep or walk to school before sunrise. I did not have to juggle work between classes just to pay enrollment. From preschool up to fourth-year college, I was driven to school. My meals were served, my uniforms ironed. All I had to do was to show up."&nbsp;
Kaya kung tatanggalin niya raw ang medalya na nakasabit sa leeg niya, ibibigay niya raw ito sa mga kaklase niyang&nbsp; nagtatrabaho ng online at part-time sa pagitan ng klase&mdash;'yung iba, gamit ang sirang cellphone, hiniram na laptop, at kung anu-anong binebenta, makaraos lang. Para rin daw ito sa mga sumagot ng sariling tuition fee dahil wala nang ibang aasahan.
Saludo kami sa'yo, Tricia! Kinikilala mo ang iyong sariling paghihirap, pero hindi mo kinakalimutan ang kanya-kanyang paghihirap ng mga tao na nasasadlak sa lipunan na mayroon tayo. Sobrang Latina with Latin honors ka diyarn!