Ilang araw na ang lumipas, pero hanggang ngayon ay patuloy pa ring pinag-uusapan ang naganap na concert ng Coldplay sa Philippine Arena! Maiituring na isa sa highlight ng nasabing concert ang pag-si-sign language na ginawa ng isang FSL Instructor na si Bayani Generoso Jr. para sa deaf community na present din sa 'Music of Spheres' concert.
<iframe style="border: none; overflow: hidden;" src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2FArchieDrilon081821%2Fvideos%2F2640089139492856%2F&amp;show_text=true&amp;width=267&amp;t=0" width="267" height="591" frameborder="0" scrolling="no" allowfullscreen="allowfullscreen"></iframe>
Sa post ni <a href="https://www.facebook.com/ArchieDrilon081821" target="_blank" rel="noopener">Archie Drilon</a> sa Facebook, pinasalamatan niya ang Coldplay para sa masayang concert na nagpataba ng puso ng Pinoy attendees. Isa rin sa pinasalamatan niya ay ang deaf community na nakasama niyang manood, at ang FSL Instructor na si Bayani Generoso Jr.
Makikita sa video na nagkaro'n ng special section ang deaf fans ng Coldplay, kung saan nakapag-mount sila ng ring light at fully lyrics ng mga kinanta ng Coldplay, na sinabayan ng sign language ni Sir Bayani. May mga SUBPAC vest din daw na ginamit sa concert na nag-vi-vibrate kasama ng tono ng mga kinakanta ng banda para mas feel nila ang napakagandang musika!
Kung hindi niyo naitatanong, eh, ang Coldplay lead vocalist na si Chris Martin at ang kanyang real-life partner na si Dakota Johnson ay sumusuporta din sa sign language dahilan kung bakit nag-sign language din si Chris Martin habang kinakanta ang hit song nilang 'Something Just Like This.'
Hay! Ang sarap naman sa mata ng mga ganitong eksena! Para sa mas marami pang chika at nakakalurkei na balita, follow niyo lang sa Facebook ang <a href="https://www.facebook.com/LoveRadioManila" target="_blank" rel="noopener">Love Radio Manila!</a>