advertisement
Sa una, nag-benefit of the doubt lang muna ako. Baka legit yung pakee niya sa akin, pero habang tumatagal ang usapan, may na-di-discover ako sa takbo ng pinag-uusapan naming dalawa. Nag-attempt siyang i-scam ako.
Sundan ang kuwento ni Jackstone dito sa Raqi's SPG Secret Files with Titan Gelo.
Scammer ka lang, pero hacker ako - Raqi's SPG Secret Files with Titan Gelo
Hi, DJ Raqi at DJ Gelo! Ibahin niyo na sana ang kuwento ko sa mga palaging napapakinggan sa programa ninyo tuwing Biyernes. Isa kasi itong kuwento ng paghihiganti na may very slight na yabang lang as in slight pampa-good vibes lang. Nagtagumpay kasi akong i-execute ang isa kong plano. Bago ang lahat, itago niyo na muna ako sa pangalang "Jackstone" at ito ang aking SPG Secret File.
Earlier this year, naka-receive ako ng isang phone call sa isang taong nagpakilalang empleyado ng isang sikat na kumpanya ng mga operating system para sa desktop computers. Hindi ko supposedly sasagutin 'yung tawag, pero dahil hindi naman nag-register as a spam 'yung number niya, sinagot ko thinking na baka kaibigan ko o kakilala ko 'yung caller. So 'yun na nga, binanggit niya 'yung name niya na itago na lang natin sa pangalang "Paul." English speaking itong si Paul at halatang hindi Pilipino. 'Yung accent niya parang accent ng isang foreigner na taga-Middle East or somewhere sa India.