advertisement
Sundan ang kuwento ni Cynthia rito sa Raqi's Secret Files with Titan Gelo.
Sabi mo kapatid mo. 'Yun pala, asawa mo - Raqi's Secret Files with Titan Gelo
Hi, DJ Raqi and DJ Gelo! Itago niyo ako sa pangalang "Cynthia," 51 years old, and this is my Secret File. Nakilala ko si "Kiko" dahil sa isang patalastas sa tabloid. Oo, dahil sa paglalagay ko ng number ko roon. Nasa lowest point ako of my life during that time. Pagod ako emotionally. Mayroon akong special someone, pero hindi ko alam kung kami pa ba o kung babalik pa ba siya sa buhay ko. Wala akong masandalan. Lahat ng kaibigan ko, may kanya-kanyang pamilya. So, I needed to do things for myself.
May landline kami, pero para lang 'yun sa mga kasama ko sa bahay. Uso na noon ang cellphone, pero walang tumatawag o nag-te-text sa akin para kumustahin ako. So, isang araw, habang nanonood ako ng telebisyon, napatingin ako sa stepdad kong nagbabasa ng diyaryo. Napansin ko 'yung page na may listahan ng mga pangalan at numero. Sabi sa ad, "Kung gusto mong magkaroon ng kaibigan, i-text mo ang number mo sa numerong ito at ilalathala namin sa diyaryo."