Kahit talaga sobrang husay mo sa isang bagay, hindi ka makakatakas sa kaba at anxiety, 'no? Ito raw kasi ang pinagdaraanan ni Regine Velasquez ngayon, Kabisyo!

Ibinulgar ito ng Asia's Songbird sa kaniyang social media pagkatapos ng kaniyang performance kasama si Josh Groban. Inamin niya ring bago at tuwing umaakyat siya ng entablado para mag-perform, inaatake siya ng stage anxiety. Say niya, "[Lately,] every single performance for me is such a struggle." Hindi niya raw alam kung parte ito ng kaniyang edad, pero "it's [kinda] heartbreaking" sabi ni Regine.

It was wonderful and an honor to sing with Josh Groban last night 😊 but I was so nervous. I was so anxious the whole day I forgot to eat. Lately every single performance for me is such a struggle even doing ASAP. And it used to excite me a source of joy but now it give me so…

— regine alcasid (@reginevalcasid) February 19, 2026

Agad namang bumuhos ang suporta at paghanga para sa beteranang diva.

Sabi ni Erik Santos sa kaniyang Instagram post, "Please know that your legacy as THE Asia’s Songbird is not defined by a single high note or a perfect vocal day. You remain undeniably one of the best, if not the best, in OPM." Nagpasalamat siya kay Regine dahil sa pag-show up pa rin nito kahit nahihirapan. Sabi pa ng singer, ang pagiging bukas ni Regine sa kaniyang pinagdaraanan ay isa lamang patunay na hindi lang siya basta icon, kun'di isang tao.

View this post on Instagram

A post shared by Erik Santos (@eriksantos)

Sa kabila nito, marami pa rin tayong aabangan sa Asia'a Songbird lalo na't may kumpirmadong single siyang lalabas ngayong taon.