Nagsisilabasan na naman ang mga isyu ng mga mama's boy at mga nanay na masyadong paladesisyon sa mga relasyon ng mga anak nila! Katulad na lamang ni Kobe Paras na balitang hindi boto ang kanyang ina na si Jackie Forster sa rumored girlfriend niyang si Kyline Alcantara. Naging mainit ang usapin lalo na&rsquo;t parang may pasaring pa si Jackie sa social media. Hindi rin nagpahuli ang fans sa pagbibigay ng kani-kanilang opinyon.
Maaalalang hindi ito ang unang beses na nasangkot si Kyline sa ganitong intriga. Naging usap-usapan din noon ang tensyon sa pagitan niya at nina Carmina Villarroel at Mavy Legaspi, matapos siyang mai-link sa anak ni Carmina. Naging awkward nga raw ang mga eksena sa backstage, at tila hindi rin naging maganda ang pakikitungo ng pamilya Legaspi kay Kyline.&nbsp;
Kaya tinanong din natin sa Love Radio DJs kung kaya ba nilang jumowa ng isang taong masyadong ma-opinyon sa relasyon ang magulang?!
Tanya Chinita: No problem at no issue at all kung mama's boy 'yung jowa ko, basta, binibigyan niya 'ko ng pera. Kung binibigyan niya ng pera ang mama niya, dapat pareho kami. Same treatment dapat. Hahaha!
Angkol Dagol: Siyempre, ayaw ko ng mama's girl. If gano'n man, isasama ko nanay niya!
Conyo Bicolano: As a mama&rsquo;s boy, sa tingin ko ayos lang na may say lalo na kung sa ikabubuti mo naman ito. Masakit lang minsan kasi wala talagang filter ang bibig ng mga nanay, pero ' di, ba? Truth hurts? At the end of the day, respeto sa say ni mother and at the same time, respeto ni mother sa desisyon ng anak like super legit and all.
Nicole Hyala: Dahil hindi applicable sa akin ung jumowa ako, ang POV ko na lang is as a nanay. Hahaha! To each his own talaga. Bawat family, may sariling dynamics, pero gagawin ko 'yung ginawa ng nanay ko na kahit ilang beses akong naloko ng mga naging jowa ko, wala siyang kinausap ni isa man sa kanila. Hinayaan nya ako to learn and be strong at gano'n din ang gagawin ko sa mga anak ko kahit p'wedeng- p'wede ko sila siraan sa radyo. Hahaha!
Raqi Terra: Nope! Eh, 'di, nanay na lang niya jowain niya. Charot with harot! Hahaha! Ang magulang ay gabay lamang. May opinionated na nanay which is okay lang, pero hindi dapat maging tagapagdikta ng desisyon ang magulang sa kanyang anak na nasa hustong gulang na.
Aba! Mixed opinions din ang mga paborito niyong Kabisyo, ah! Sa huli, iba-iba talaga ang dynamics ng bawat pamilya at relasyon. Hindi masama ang makinig sa payo, pero nasa sa atin pa rin ang huling desisyon pagdating sa pag-ibig.
&nbsp;
&nbsp;
&nbsp;