Sinagot na ng CALISTA ang komento ng isang netizen tungkol sa naging performance nila sa isang show kung saan sinabihan silang mukhang rehearsal lang ang performance nila.
Sa nakaraang guesting ng CALISTA sa Hangover PH, tinanong ni Sexy Megan ang PPop Group kung paano nila sinasagot ang criticisms sa grupo at sa buong PPop industry. Maliban sa comment na mukha raw rehearsal ang performance nila, naungkat din na may isang concert attendee na nagtanong ng, "PPop pala sila?" na medyo condescending ang tono.
Ayon sa grupo, personal daw nilang narinig ang tanong na ito, pero para sa kanila, ang isang performance ay hindi mag-de-define ng talent at skills na meron sila. Sabagay nga naman, sa dami ng performance ng CALISTA, eh, baka isang performance lang ang napanood ng taong 'to, tapos na-judge na agad sila, 'no?
Sa kabila ng mga ganitong klase ng kritisismo, nananatiling positive ang vibe ng CALISTA. Sabi pa nga nila, naniniwala raw silang blessing ang bawat performance nila kaya dapat ay hindi ito tine-take for granted. Kaya naman sa kada-performance nila, sinisigurado nilang 101% ang ibinibigay nila rito. Kung magkakaro'n man daw ng challenges o difficulties sa performance ay sinisigurado naman &nbsp;nilang bumabawi sila sa susunod nilang magiging pagtatanghal. Tanggap din naman daw nila na hindi lahat ng tao ay mapi-please nila at hindi lahat ay magugustuhan sila, pero ayos lang daw 'yon para sa kanila. Ang mahalaga, nag-eenjoy sila sa bawat performance na ginagawa nila.
Dagdag pa ng grupo, masaya sila na kasama sila sa PPop Industry lalo pa't growing ito sa bansa, ngunit hindi rin naman daw doon natatapos ang lahat kaya kada performance daw nila ay talaga namang ibinibihay nila ang 101% hindi lang para sa kanilang fans, kun'di dahil alam nilang nirerepresenta nila ang PPop Industry ng bansa.
Bago matapos ang interview ay nagpasalamat naman ang grupo sa lahat ng fans nila, maski sa mga criticism na natatanggap nila dahil ito ang nagbibigay ng fuel sa kanila para mas maging better sila at gumawa pa ng mas maraming ikakasaya ng fans nila. Sabi ng girls, SPREAD LOVE, Kabisyo!
Talaga nga naman soafer dedicated ang CALISTA sa pagsama sa iba pang PPop Group na iangat ang PPop Industry sa Pilipinas! Marami pang chika ang napag-usapan dito kaya panoorin mo na ang full interview sa YouTube Channel ng <a href="https://www.youtube.com/watch?v=PsJc14B0NzQ&amp;t=2799s" target="_blank" rel="noopener">Hangover PH!</a>