Dear DJ Raqi,
Gusto kong isulat ang nakaraan ko para ma-share ko sa iba at may makuha ring leksyon ang mga tagasubaybay mo. Itago mo na lang ako sa pangalang Love.
Since 2013, may nakilala akong lalaking itago mo na lang sa pangalang Yan. Isang barangay lang kami at unang-unang kinuha niya &rsquo;yong number ko. Simula noon, nanligaw na siya sa akin. Pagkatapos, pinag-isipan kong sagutin na siya kasi matagal na siyang nanliligaw sa akin. Then, araw-araw magka-text kami. Minsan, magkikita kami nang patago at ewan ko ba kung bakit naman ako pumayag sa sitwasyong ganyan. Isang beses, niyaya niya akong mag-usap kami sa gilid ng daan at walang tao. &rsquo;Yung pinag-usapan namin ay tungkol sa aming dalawa. Pagkatapos naming mag-usap, bigla niya akong hinawakan sa mukha at hahalikan sana. Noong hindi ako pumayag, nagalit siya. Iniwan niya ako. Pagkatapos, naulit na naman na niyaya niya akong makipag-usap. After naming mag-usap, ang lakas ng kaba ko na gusto niyang makuha na ang pagkababae ko, pero hindi ako pumayag tapos nagalit na naman siya ulit at nagtalo kami sa cellphone.
DJ Raqi, dumating ang panahon. Since one year na kaming magkarelasyon, binigay ko na sa kanya ang pagkababae ko hanggang sa paulit-ulit na naming ginagawa. Dumating din ang time na hindi ako dinadatnan, DJ Raqi. Buntis pala ako noong time na &rsquo;yon at nag-uusap pa kami. I think, 2015 at doon, grabe ang kaba ko kasi ang mga text niya sa akin, &ldquo;Mag-ingat ka palagi. Mahal na mahal kita, pero kailangan ko &rsquo;tong gawin na makipag-break sa&rsquo;yo.&rdquo; &rsquo;Yon nga, DJ Raqi, gumuho ang mundo ko at hindi ko alam ang gagawin at napag-isipan kong ipalaglag ang bata kasi ayaw kong lumaki ang anak ko nang walang tatay, at baka ano ang gawin ng pamilya ko sa akin. Natatakot ako noong time na &rsquo;yon, DJ Raqi, at sobrang hirap mag move-on sa ginawa ng g*go kong ex sa akin. Hindi ako makatulog. Iyak lang nang iyak kahit sa pagkain. Nahihirapan ako at gusto ko lang matulog para hindi ko maisip na iniwan niya ako at ayaw ko namang mahalata ng pamilya ko na umiiyak ako.
Sundan ang kuwento ni RD dito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files. Roppongi's Teuchi Soba Keyaki: Enjoy Traditional Japanese Soba<a href="https://umamibites.com/food_and_drink/14130" target="_blank"><img src="https://umamibites.com/wp-content/uploads/2024/03/UB122_main-1024x768.jpg"></a>Great for soba- or noodle-themed content, this article explores a traditional soba shop in central Tokyo.