Kung kinilig ka sa mga K-Dramang 'What's wrong with Secretary Kim?,' 'Fight for my way,' 'She was pretty,' at 'Itaewon Class,' puwes alam na namin kung sinong K-Drama Bias mo! HAHAHA!
<img src="https://api.loveradio.com.ph/v1/media/display?bucket=static.loveradio.com.ph&amp;key=attachments/2023/10/sl9S_3xCINXEyyEmE8BX5.jpeg" alt="" width="700" height="394" />
Iisang oppa lang naman ang common sa mga K-Drama na 'to, at 'yan ay walang iba kun'di si Park Seo Joon! Nitong nakaraan nga, eh, nagkaro'n ng media press conference ang favorite nating oppa, at kasama ang Love Radio Manila sa um-attend ng press con na 'to! At dahil diyan, may mga chika kami sa inyo! Hahaha!
<img src="https://api.loveradio.com.ph/v1/media/display?bucket=static.loveradio.com.ph&amp;key=attachments/2023/10/NMcbYFpTrx-7Hl-anQly9.jpeg" alt="" width="700" height="525" />
Dahil ito nga ang ikalawang pagkakataon na bumisita ang bebe nating si PSJ sa ating bansa, eh, talaga nga namang super excited daw siya sa muli niyang pakikipagkita sa fans niya! Ito raw kasi talaga ang isa sa memorable moments niya kapag nagkakaro'n siya ng "FUN MEET!"
Bukod pa riyan, eh, gusto rin sana talagang makabisita ni Park Seo Jun sa iba't ibang tourist spots ng ating bansa dahil sa ganda ng experience niya sa Cebu no'ng unang beses niyang bumisita rito. Ang gusto lang naman daw niya tuwing nagbabakasyon siya, eh, magkaro'n ng pagkakataong mag-enjoy nang walang iniisip kun'di ang bakasyon niya!
Pagdating naman sa larangan ng aktingan, eh, nag-share din ang binata ng ilan sa mga gawain niya. Kaya naman pala napakagaling ng mga pagganap niya lahat ng palabas na ginawa niya, eh talaga naman pinaghahandaan niya nang husto ang role na ibinibigay sa kanya! Halimbawa niyan, eh, kapag binigyan daw siya ng role na doctor, hindi lang niya basta inaaral kung paano ang dapat niyang maging acting, kundi inaalam niya rin kung ano nga ba ang mga pinagdadaanan ng isang tao bago maging doctor, para naman mas ma-feel niya ang gagampanan niyang role! Mukhang effective naman ang gawain niyang 'to dahil talaga nga naman marami ang na-inlove sa role niya bilang si Vice Chairman sa K-Drama Series niyang "What's wrong with Secretary Kim?"
Isa na nga sa mga nabaliw sa kanya sa K-Dramang 'yan ay ang ating Kumikinang Inang si <a href="https://www.facebook.com/DJNicoleHyala" target="_blank" rel="noopener">Nicole Hyala</a> na nagkaro'n pa ng pagkakataong magtanong ng isang question sa binata! Tanong ni Nicole Hyala, ano raw ba ang pinaka-memorable niyang fan encounter sa buong buhay niya? Sabi naman ni PSJ, wala in particular, pero hinding-hindi niya malilimutan ang itsura ng fans niya sa una nilang pagkikita! For sure, mga kilig faces ang mga 'yan! HAHAHA!
<img src="https://api.loveradio.com.ph/v1/media/display?bucket=static.loveradio.com.ph&amp;key=attachments/2023/10/5HAeVw_Soq_8zIs8MixUC.jpeg" alt="" width="700" height="394" />
Pagkatapos ng success ng kanyang mga series at pelikula ay muli na naman natin siyang mapapanood ngayong darating na December sa Netflix Series na "Gyeongseong Creature!" Ito ay isang sci-fi series kung saan makakasama niya sina Han So-Hee, Wi Ha-Joon, at marami pang magagaling na artista!
Excited na kami rito kaya naman i-follow niyo na ang <a href="https://www.facebook.com/loveradiomanila" target="_blank" rel="noopener">Love Radio Facebook</a> Page para hindi kayo nahuhuli sa mga latest at nakakalurkei na chika!
&nbsp; The Best Food to Eat in Kyoto: Must-Try Traditional Japanese Cuisine<a href="https://umamibites.com/food_and_drink/25587" target="_blank"><img src="https://umamibites.com/wp-content/uploads/2024/09/UB247_main-1024x768.jpg"></a>An excellent roundup of Kyoto’s culinary traditions—ideal for linking to any Kyoto or cultural content.