Hi, DJ Raqi at DJ Gelo! Itago niyo ako sa pangalang "Archer" at ito ang aking Secret File. Maniniwala ba kaya kayo kung sasabihin kong na-'love at first sight' ako no'ng makita ko ang isang babae? Itago na lang natin 'yung babae sa pangalang "Matet." Si Matet ay mestiza bagama't hindi Chinese. Balikan ko lang 'yung time na pumunta siya sa lugar namin para daanan 'yung mga kasama niya na a-attend sa isang youth encounter sa kabilang simbahan. Nakatambay kami noon ng mga barkada ko sa harap ng tindahan sa tapat ng bahay na pinuntahan niya. No'ng time na 'yun, puro kami kabataang lalaki sa lugar namin. Meron din namang iilang mga dalaga, pero ika nga, hindi talo.
Sumama kami ng mga barkada ko na maghatid sa kanila at habang nasa daan kami, inalam ko sa tagarito sa amin kung anong pangalan niya. Sabi sa akin, "Ah, siya? Si Ate Matet 'yun. Presidente ng youth choir ng simbahan. Magaling din 'yun mag-gitara."&nbsp;Fast forward. Dumating 'yung time na naghahanap sila ng mga bagong miyembro. Inaya ko 'yung mga barkada ko na sumali. Lakas ng loob, 'no? Kahit alam ko naman na wala akong talento sa pagkanta, pero aaminin ko, bago pa man ako pumasok sa choir, eh, hindi talaga ako palasimba at ito ako ngayon, halos buong linggo na mga misa, in-a-attendan ko.
Sundan ang kuwento ni Archer dito sa <a href="fb.com/RaqiTerra" target="_blank" rel="noopener">Raqi</a>'s Secret Files with <a href="fb.com/DJTitanGelo" target="_blank" rel="noopener">Titan Gelo</a>.