Hi, DJ Raqi! Ako ulit ito, si Rain. Gusto ko lang ulit mag-update sa mga naging kaganapan sa family ko mula noong umere ang Secret Files ko sa programa mo noong March 16, 2023 at noong April 27, 2023. Muli, ito ang aking Secret File.
Kung maaalala niyo, DJ Raqi, hindi naging maganda ang relasyon namin ng Papa ko simula&rsquo;t sapul. Noong umuwi siya rito sa Pilipinas noong 2020 galing abroad, akala ko ay magiging magandang kabanata sa buhay ko ang kanyang pamamalagi sa tahanan namin, pero noong unti-unti ko na siyang nakasama sa bahay, naglabasan ang mga biyak sa pagiging mag-ama namin. Nagkaroon kami ng hindi pagkakaunawaan, sa kabila ng pang-uunawa ko sa attitude niya, maging sa takbo ng pag-iisip niya. Minsan pa nga, nalagay sa alanganin ang buhay niya noong ma-stroke siya. Kahit may samaan kami ng loob sa isa&rsquo;t isa, pinili ko pa ring alagaan siya kasi wala namang ibang aakay sa kanya sa aming magkakapatid dahil ako lang naman ang maaasahan ng pamilya namin. &rsquo;Yong iba kong kapatid, may mga kanya-kanya nang buhay at ako na lang ang hindi pa bumubukod, kaya inalagaan ko pa rin ang Papa ko.
Akala ko talaga mas makakaramdam siya ng appreciation sa akin bilang anak niyang nasa tabi niya kahit sa mga panahong hirap siya, pero hindi pa rin nabago ang pagtingin niya para sa akin: masama pa rin akong anak. Kahit naman sunud-sunuran ako sa mga gusto niyang ipagawa sa akin, hindi ko pa rin makuha ang loob niya. Alam kong may mali, pero kahit anong isipin ko, hindi ko makita ang dahilan kung bakit ang bigat-bigat ng loob niya sa akin sa kabila ng lahat ng pagmamalasakit ko sa kanya. Heto ako ngayon, ilang buwan na akong wala sa poder ng papa ko. Dahil hindi na tuluyang gumanda ang relasyon naming mag-ama, nagdesisyon na lang akong bumukod. Nakatira na ako sa bahay ng ate ko rito sa Cavite. Kinailangan niya akong patuluyin sa kanila kasi nga hindi na maganda ang trato sa akin ng papa ko. Magmula noong nanirahan ako rito sa bahay ng ate ko, napansin kong hindi na ako nakapag-ipon para sa sarili ko, samantalang noong ako pa nagbabayad ng bills sa bahay namin sa Quezon City, eh, kinakaya ko. Noon, halos sampung libo &rsquo;yong kaya kong kitain. Nakakapagbayad pa ako ng hulugan para sa motor ko, sa internet, sa Meralco, kahit nga pangkain ko, kasya pa sa dati kong kinikita.
Minsan, hindi pa tapos ang isang buwan, lagpas sampung libo na ang kinikita ko. Halos hindi ako noon problemado sa finances ko, kaso ngayong nandito na ako sa poder ng ate ko, hirap akong kumita. Dalawang libo na nga lang ang inoobliga sa akin ng ate ko na iambag sa bahay nila buwan-buwan, hirap pa rin ako. Sa ngayon, tapos na rin akong bayaran ang motor ko. Wala na akong hinuhulugan, pero gipit pa rin ako pagdating sa sarili kong kita. Bakit kaya ganoon? Ginagawa ko naman &rsquo;yong paraang alam ko para kumita, pero hindi na ngayon sumasapat. Isa pa sa mga napansin ko ay noong lumipat ako rito sa ate ko, nagloloko na &rsquo;yong motor na ginagamit ko bilang rider. Halos tuwing linggo, laging may sira. Napipilitan tuloy akong gumastos para ipaayos &rsquo;yong motor, kaso &rsquo;pag may naaayos, mayroon namang bagong nasisira.&nbsp; Sundan ang kuwento ni Rain dito sa <a href="https://www.youtube.com/watch?v=k9ZKaxyCjqE" target="_blank" rel="noopener">Raqi</a>&rsquo;s Secret Files. This Shinjuku Restaurant’s Affordable All-You-Can-Drink and Yakitori Heaven<a href="https://umamibites.com/food_and_drink/19982" target="_blank"><img src="https://umamibites.com/wp-content/uploads/2024/06/UB152_main-1024x768.jpg"></a>Focuses on value-friendly Japanese dining—great for food lovers and budget-conscious travelers.