Hello, DJ Raqi! Itago mo na lang po ako sa pangalang Yza. Listener niyo po ako rito sa abroad. Nakaka-relate po ako sa mga kuwentong binabasa niyo galing sa inyong senders kaya naisipan kong sumulat sa inyo.
Nagsimula ang dagok sa buhay ko noong natuto akong magmahal. Nakalimutan ko ang mga pangarap ko para sa sarili ko at sa pamilya ko. Ten years ang gap namin ng partner ko. 31 siya noon at 21 naman po ako. Ang sarap ma-inlove sabi ko sa sarili ko rati. Naging matapang akong suwayin ang mga magulang ko para sa lalaking mahal ko. Guwapo ang partner ko, mabait, at malambing kaya nahumaling ako sa kanya at hindi ko na inisip na ako ang hope ng mga magulang ko. Dahil sa aming magkakapatid, ako lang ang nakatapos ng sekondarya at may chance na makapagtapos ng kolehiyo, pero binalewala ko lahat &rsquo;yon dahil sa hindi ko makontrol na emosyon ko. 
Nabuntis ako, hindi nakapagpatuloy sa pag-aaral, namanhikan &rsquo;yung partner ko at ang family nito. Nagsama na nga kami, pero hindi ako nagpakasal. Nine months after matapos akong manganak, nagsimula ang lahat noong dumating ang pinsan ko sa buhay namin. Pinaaral ng magulang ko ang pinsan ko, anak ito ng nakatatandang kapatid na lalaki ni Mama. Doon na nagsimulang masira ang pamilya na pinangarap ko.
Mag aala-una na yata &rsquo;yon sa pagkakaalala ko nang magising ako at wala sa tabi ko ang partner ko. Ilang beses nang nangyari &rsquo;yon, pero hindi ko binibigyan ng pansin. May butas &rsquo;yung kuwarto namin at hindi ko alam kung bakit napasilip ako roon unconsciously. Doon ko nakita &rsquo;yung partner ko at pinsan ko na may ginagawang kahayupan, nabatobalani ako, tumulo ang mga luha ko nang hindi ko napapansin. Lumabas ako sa kuwarto para sana komprontahin silang dalawa, pero mabilis na tumakbo ang partner ko sa banyo at nagtulog-tulogan naman &rsquo;yung pinsan ko. Gusto kong magwala that time, pero ayaw kong makaistorbo sa pagpapahinga ng mga tao sa bahay. Hinintay ko ang partner kong lumabas sa banyo saka ko siya tinanong kung ano ang ginagawa niya sa pinsan ko. Sabi niya, nasa banyo raw siya at nagtat*e raw. Umiyak na naman ako. Sabi ko, &ldquo;Pinsan ko &rsquo;yon.&rdquo; habang humahagulgol. 
Sundan ang kuwento ni Yza rito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files.