advertisement
Sundan ang kuwento ni Denise dito sa Raqi's Secret Files with Titan Gelo.
Nang dahil sa isang lalaki, nasira ang pamilya ko - Raqi's Secret Files with Titan Gelo
Hi, DJ Gelo at DJ Raqi! Itago niyo na lang po ako sa pangalang "Denise," 39 years old, at ito po ang aking Secret File. Masaya po ang pamilya namin bago mangyari ang nakasira sa aking buhay. Simpleng buhay lang po ang meron kami. Laki po ako sa hirap, pero nagsikap ako at ang aking asawa naman ay may maliit na negosyo. Itago na lang po pala natin ang asawa ko sa pangalang "Kes." Si Kes ang magaling sa negosyo at ako naman madiskarte din. May isa kaming negosyo na napalago.
Kahit no'ng panahon ng pandemic mahirap ang sitwasyon. Nag-start ako magbenta ng sabon online at kung anu-ano pang produkto hanggang sa nagkaroon na kami ng sariling produkto at physical store para dayuhin ng mga tao. Year 2020 kahit na pandemic, mahirap lumabas, at kasagsagan ng COVID, naglakas loob kaming sumugal sa isang negosyo. 'Yung negosyo na alam namin na p'wedeng matalo at p'wedeng manalo, pero nagugulat na lang kami kahit na panahon ng COVID noon, may mga pailan-ilang pumupunta sa clinic.