Hi, DJ Raqi! Itago niyo na lang po ako sa pangalang Lian and this is my Secret File.
First week of October nang makilala ko si Thea. Siya ay isang transferee sa aming paaralan. Parehas kaming academic achiever, pero magkaiba kami ng section. Siya ay nasa section A habang ako naman ay nasa section B. Tuwing makikita niya ako, tatawagin niya ako at magtatanong ng iba&rsquo;t ibang bagay. Tinatanong niya kung ano ang paborito kong pagkain, saan ako nakatira, at iba pa. Noong October 10, 2023, nagkaroon ako ng screening para sa chess sa aming school intramurals. Bago ang huling laro ko, lumabas ako ng playing room para magpahinga. Doon ko nakita si Thea kasama ang kanyang mga kaibigan. Tinanong niya ako kung panalo na ako. Sinabi ko sa kaniya na malapit na. Ngumiti si Thea sa sinabi ko at doon ko naramdaman na nagkagusto na ako sa kanya. Dahil sa inspirasyon na &rsquo;yon, nanalo ako sa huling laro ko at nakapaglaro sa paparating na intrams.
Noong October 11, 2023, nag-confess si Thea sa akin sa pamamagitan ng chat. Sinabi niya na gusto niya ako. Hindi ako nagulat dahil napansin ko na rin ang pagkagusto niya sa akin. Sinagot ko siya na gusto ko rin siya. Naging masaya ako sa mga araw na &rsquo;yon dahil sa pag-amin ni Thea at alam kong masaya rin siya dahil sa pag-amin ko sa kaniya. Noong October 12, 2023, nagkita kami ni Thea sa labas ng aming mga silid-aralan. Natawa kami nang makita namin ang isa&rsquo;t isa at nagbalikan na rin kami sa aming mga silid-aralan. Nagustuhan ko si Thea dahil sa kanyang simpleng pagkatao at s&rsquo;yempre, dahil sobrang ganda niya.
Malapit na rin ang aming school intramurals. Si Thea ay isang table tennis player at siya rin ay sasali sa intrams. Pareho kaming abala sa aming mga gawain para sa intrams at sa aming mga akademiko. Pagkatapos ng intrams, may mga exam pa kaming kailangang paghandaan. Noong October 14, hindi ako nakapag-chat kay Thea dahil nasira ang aking cellphone. Iniisip ko na baka nag-aalala siya kung bakit ako offline buong Sabado at Linggo. Noong October 16, nagpasya akong ilibre si Thea ng ice cream. Ito ang aking pangako sa kaniya. Tinanong niya rin kung bakit ako offline buong Sabado at Linggo. Sinabi ko sa kanya na nasira ang aking cellphone. Akala niya na abala lang ako kaya hindi na siya nag-chat sa akin. Noong October 17, araw ng intramurals sa aming paaralan, sinuportahan namin ang isa&rsquo;t isa sa aming mga laro. Matapos ang aking laro, pumunta ako kay Thea upang suportahan siya. Hindi ko namalayan na natapos na pala ang kanyang laro. Nalaman ko na natalo siya at na-eliminate na agad. Sinabi ko sa kanya na hindi &rsquo;yon mahalaga at dapat niyang paghandaan ang kanyang susunod na laro sa mixed doubles.
Sundan ang kuwento ni Lian dito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files.