advertisement
Sundan ang kuwento ni Jane dito sa Raqi's Secret Files.
Mukhang may itim na pagnanasa sa'kin ang amo ko - Raqi's Secret Files with Titan Gelo
Hi, DJ Raqi at DJ Gelo! Itago niyo na lang ako sa pangalang "Jane," taga San Jose, Antique, 18 years old, at ito ang aking Secret File. 18 years old pa lang ako, pero nagtatrabaho na ako. Ang hirap kasi ng buhay kapag mahirap ka lang kaya humanap ako ng trabaho para kahit papaano, may maitulong din ako sa pamilya ko at sa kapatid ko.
Nakita ko lang 'yung trabahong pinasukan ko sa group page na job hiring dito sa amin. May isang babae kasi na naghahanap ng trabaho kaya nagbasa-basa ako ng comments sa post niya. Dito ko na nakita 'yung komento ng isang lalaki na may hiring daw sa kanila kaya agad-agad ko siyang minessage. Sakto rin kasing naghahanap ako kaya naisip kong baka ito na 'yun. Noong minessage ko 'yung lalaki, marami akong tanong sa kanya para siyempre, aware ako sa papasukin kong trabaho kung saka-sakali. Malapit lang din kasi sa amin 'yung lugar na may hiring, isang resto bar.