Kung active ka sa social media, mapapansin mong sunod-sunod ang mga kontrobersiyang ibinabato kay Moira Dela Torre. Ayon kasi sa ilang mga post online ng mga 'di kilalang "sources," hindi raw isinama ang singer sa 30th-anniversary celebration ng ASAP Natin 'To. May ilang artist din umano ang nagbantang hindi sila sasama sa event kung nandoon si Moira.
 Nagsimula ang issue ng singer nang mapabalitang binitawan na siya ng Cornestone Entertainment dahil sa diumano'y masamang ugali nito. Napansin din ng netizens na ilang artists mula sa nasabing agency ang nag-unfollow sa kanya sa Instagram. Kasunod nito, inakusahan si Moira na siya raw ang naging third party sa hiwalayan nina Sam Milby at Catriona Gray&mdash;bagay na itinanggi ni Sam.
 May lumabas ding alegasyon na nagpapakalat si Moira ng maling kwento tungkol sa ibang artists. Sa isang article ni Lolit Solis, sinabihan daw ni Moira na tili nang tili at walang puso kung kumanta si Regine Velasquez.
 Samantala, nagkaroon ng hindi inaasahang insidente sa isang gig ni Moira kamakailan, kung saan may nagbato ng bote ng tubig sa kanyang direksyon. Buti na lang, &nbsp;hindi siya natamaan. Sa isang sumunod na performance, sinabi naman ni Moira sa kaniyang mga fan na huwag maniwala sa fake news.
 Sa ngayon, wala pang pahayag ang lahat ng panig na nabanggit tungkol sa chismis ng mga Marites.&nbsp;
&nbsp;