Nagulat ang buong mundo sa isang balita nitong nakaraan na ang mga licensed uploaded music ng Universal Music Group artists ay tuluyan nang tinanggal sa music library ng TikTok. Kabilang sa mga artist na 'yan sina Drake, Olivia Rodrigo, Lana Del Rey, Ariana Grande, Taylor Swift, at marami pang iba.
Ano nga ba ang nangyari? Ang chika, eh, nitong nakaraang January 31 ay natapos na ang kontrata ng UMG at TikTok. Napagdesisyonan din daw ng management ng UMG na 'wag nang i-renew ang partnership nila na naging dahilan kung bakit ang mga lumang video gamit ang mga kanta ng UMG Artists ay naka-mute na ngayon sa TikTok.
Ilan sa mga dahilan ng hindi pag-re-renew ng UMG ay ang online safety para sa users, pati na rin ang compensation at proteksyon sa AI ng kanilang artists at writers.
Nitong nakaraan, eh, naglabas na rin ng official statement ang management ng TikTok tungkol sa pagtatapos ng partnership nila ng Universal Music Group.
Hay! Hopia pa rin kami na dumating ang panahon na ma-settle ng dalawang kumpanya ang kani-kanilang concern para mabuo ulit ang partnership nilang bonggacious kung magbigay ng aliw sa mga utaw!
Para sa marami pang chika at nakakalurkei na balita, follow niyo lang sa Facebook ang <a href="https://www.facebook.com/LoveRadioManila" target="_blank" rel="noopener">Love Radio Manila!</a>