Sa gitna ng hagupit ng Bagyong Tino, may isang video ang nag-viral mula sa Himamaylan, Negros Occidental. Si Jaypee Lobaton, isang animal rescuer, ay tumulong at kumupkop sa mga aso at pusang napadpad sa kanyang bakuran nitong November 5.

'Yung puting aso raw na matagal na niyang pinapakain, napadpad sa kanya kasama pa ang iba pang mga alagang iniwan ng kanilang mga amo nang sila’y lumikas dahil sa bagyo. Hindi na nagdalawang-isip si Jaypee at binuksan niya ang kanyang bakuran para sa mga hayop na walang masandalan.

Banggit ni Jaypee na nawa'y ituring ng lahat ang mga alaga nila bilang pamilya. Kung hindi man maisama, huwag silang ikadena, bigyan sila ng pagkakataong mabuhay.

Todo agree rin naman ang netizens sa comment section! May nag-iwan ng kanyang komento na happy pill niya nga raq ang kanyang mga alaga kaya nakakadurog daw talaga ng puso tuwing may napapabayaan na mga aso't pusa sa daan.

May buhay rin ang alagang hayop natin, mga Kabisyo, ah! Nagsilbi silang kasama natin sa buhay tuwing tayo ay nangangailangan ng saya sa kanila. Sana lang ay nagagawa rin nating tulungan sila dahil tayo lang ang inaasahan nila.