Hindi rin nakaligtas sa maaanghang na katanungan ang 'Lalim' singer na si Mateo sa nakaraang guesting niya sa Hangover PH.
Sa rami ng napag-usapan nila ni DJ Shai ay nabanggit nito ang pag-vi-viral ng kanta niyang 'Lalim' matapos itong i-share ng isa sa mga member ng BINI na si Colet. Ayon sa fans, malaki talaga ang naging contribution ni BINI Colet kaya sumikat ang 'Lalim.' Kaya minabuti ni DJ Shai na once and for all, ay masagot ni Mateo kung sa tingin niya ba talaga ay si Colet ang nagpasikat ng kanta.
Diretsahan naman itong sinagot ni Mateo at sinabing sobrang grateful siya kay BINI Colet at sa lahat ng artist na nag-share ng single niya. Sabi nga niya sa interviews, wala naman daw siyang intensyon talaga sa mga ginagawa niyang kanta kun'di ang mai-express lang talaga ang sarili niya. Kaya isa sa mga una niyang ginawa noong sumikat ang single niya ay i-acknowledge at pasalamatan ang lahat ng artists na nag-share ng kanyang kanta, kasama na rito si BINI Colet dahil alam niyang ang pagsikat ng kanta niya ay hindi lang talaga dahil sa sarili niya. It takes a village, ika nga nila.
Sobrang grateful daw siya na binabahagi ng OPM artists ang kanta niya sa kani-kanilang mga fan base kaya kung sasabihin daw ng mga tao na ibang artist ang nagpasikat ng kanta niya, eh, okay lang daw sa kanya. Hindi ito magiging issue sa kanya. Sa katunayan, sobrang grateful pa raw talaga siya.
Sinegundahan naman ito ni DJ Shai at sinabing na-aappreciate niya kung gaano ka-supportive ang OPM artists ngayon sa isa't isa. Sana nga raw ay magtuloy-tuloy ang ganitong culture. Dagdag din ni Mateo, nasa another golden era na ang OPM ngayon kaya go na go siya na ipa-share sa iba ang music niya, at ganon din naman siya sa musika ng iba. Sabi pa niya, 'pag mas in-e-empower nila ang isa't isa, mas na-lilift ang OPM scene.
Oh, bongga 'di ba! Grabe ka na, Mateo. Kaya sa'yo kami, eh! Hahaha! Marami pa silang napag-usapan ni DJ Shai kaya panoorin niyo na ang buong interview sa YouTube Channel ng Hangover PH!