Photo source: IMDB
Simula pagkabata hanggang ngayong 40 years old na siya, eh, hindi pa raw nararanasan ng OPM Singer na si Mark Bautista ang makipagrelasyon sa isang babae.
Matatandaang naging kontrobersyal ng librong isinulat niya noong 2018 dahil dito niya inamin na siya ay isang bisexual. Naging usap-usapan ito ng fans at nitong nakaraan lang, eh, muling naungkat ang pag-amin na ginawa niya sa interview sa kanya ni <a href="https://www.youtube.com/@KarenDavilaOfficial" target="_blank" rel="noopener">Karen Davila.</a>
<iframe title="YouTube video player" src="https://www.youtube.com/embed/nOLGkwcVpCA?si=_RkAV-kTV-SK_6xx" width="560" height="315" frameborder="0" allowfullscreen="allowfullscreen"></iframe>
Chika niya, eh, bukas naman daw siya sa posibilidad ng pagkakaroon ng girlfriend. Basta't mamahalin at tatanggapin daw siya nito, eh, hindi niya nakikitang imposibleng ma-inlove pa rin siya sa isang babae. Gusto rin daw kasi niyang magkaro'n ng pamilya para mayroon din siyang makakasama sa pagtanda. Tama nga naman, 'no? Para saan ang pinaghihirapan kung hindi para sa sariling pamilya. Napaka-sweet naman talaga ng Kabisyo nating si Mark!
Nabanggit din ng singer na naging biktima rin daw siya ng sexual abuse ng isang kamag-anak noong bata pa siya. Feeling niya, eh, may kinalaman ang pangyayaring ito sa kung sino siya ngayon. Well, gano'n naman talaga, Kabisyo. Sabi nga nila, malaki ang kontribusyon ng ating nakaraan sa kung ano tayo ngayon. Ang importante, natututo tayo sa mga nangyari noon, at nababaon natin ang mga gano'ng sitwasyon sa kinabukasan natin para mas maging malakas at matapang tayo.
Kung ano man ang maging desisyon mo at kung sino man ang mamahalin mo sa future, Mark, sigurado kaming masuwerte siya na ikaw ang makakasama niya sa habambuhay! Proud kami sa'yo, Kabisyo!
Para sa mas marami pang chika at nakakalurkei na balita, follow mo lang sa Facebook ang <a href="https://www.facebook.com/LoveRadioManila" target="_blank" rel="noopener">Love Radio Manila!</a>