Nagkaiyakan na nga nitong nakaraan dahil sa surpresang ibinigay ng Kabisyo DJs sa lucky charm ng Love Radio Manila na si Kadyot Pinong.
Para sa mga hindi nakakaalam, si Kadyot Pinong ang tao sa likod ng isa sa mga naririnig niyong boses sa radyo. 'Pag sinabing "Kadyot lang, kadyot lang! Kailangan pa bang i-memorize 'yan? BASIC!" Love Radio na kaagad ang maaalala niyo, 'di ba? Pero alam niyo ba na ang tao sa likod ng boses na 'yan ay walang iba kun'di ang napakabait naming utility na si Kadyot Pinong!
At dahil love na love ng lahat si Kadyot, pinaiyak muna namin siya sa tuwa! HAHAHA! Ito kasing Kabisyo DJs natin, kunwari uutusan lang si Kadyot sa bangko, tapos kakain sa isang fast food restaurant. Ang hindi niya alam, naghihintay na sa kanya ang mga kaopisina niya hindi lang mula sa Love Radio, kun'di pati na rin sa sister station namin na Yes! FM.
Pagpasok pa lang ni Kadyot, eh, naiyak na siya, pero napalitan din naman ng tuwa lalo na no'ng mag-umpisa ang games at siyempre ang kainan! HAHAHA!
Ikaw talaga ang lucky charm ng Love Radio, Kadyot! Kaya dasurv na dasurv mo ang birthday party na ito! Maraming salamat sa taos-pusong serbisyo, Kadyot Pinong! Hangad namin ang kaligayahan mo kahit hindi mo na birthday! Labyu!
Para sa marami pang chika at nakakalurkei na balita, siguraduhin mo lang na lagi kang updated sa mga ganap ng Love Radio Manila!