Hi, DJ Raqi! Isa ako sa laging nakikinig sa mga story mo and ang dami kong natutuhan. Sobrang relate ako sa mga ibang story mo. Hindi ko akalain na isa rin ako sa mga magsusulat tungkol sa buhay ko at mga pinagdaanan sa buhay.
Itago niyo na lang ako sa pangalang Pat, 24 years old from Angeles City, Pampanga. Hindi ko akalain na sa mura kong edad, haharapin ko na ang mga pagsubok na ito. Lumaki ako sa masayang pamilya and sobrang napakamasiyahin kong tao. Wala na siguro akong mahihiling pa sa itaas dahil sa mga natatamasa ko sa buhay. Sa kuwento kong ito, maraming makaka-relate sa mga pinagdaanan ko and marami ring maiinis sa mga nagawa ko sa buhay ko.
Uumpisahan ko sa aking naka-relasyon noong bata pa ako. 15 years old ay nagkaroon na ako ng kasintahan na itago niyo na lang sa pangalang Kulot at sobrang nagtagal kami. For almost six years, sabay kaming gumraduate ng high school. Kung ilalarawan ko ang aking ex girlfriend ay sobrang napakamaalaga nito at sobrang napakalambing. Higit sa lahat, napakarelihiyosong tao, ngunit nagbago ang lahat nang umapak kaming dalawa sa kolehiyo.&nbsp;
Nawalan ako ng oras. Puro barkada at pag-aaral lang ang aking inatupag, as in wala talaga akong pakialam sa aking girlfriend. Kahit ni isang update, hindi ko siya sinasabihan dahil sobrang naging kampante ako dahil alam ko sa sarili ko na sobrang mahal na mahal niya ako hanggang hindi ko namamalayan na nawawala na pala ang pagmamahal niya sa akin. Isang araw, napagdesisyunan niya na makipag-cool off sa akin at hindi naman ako nagdawalang-isip na pumayag dahil alam ko naman na mahal niya ako, kaya hinayaan ko lang kasi alam ko naman na babalik siya sa akin.
Lumipas ang tatlong buwan, hindi kami nagkakausap hanggang sa tumawag sa akin ang mama niya, umiiyak na binalita na bakit hinayaan kong mabuntis ang anak niya sa ibang lalaki. Ang sabi sa akin ng mama niya ay nagkahiwalay silang dalawa ng nakabuntis sa kanya dahil sa pananakit niya sa aking ex girlfriend na never kong ginawa noong kami pa and sobrang gulat na gulat ako sa aking nabalitaan.&nbsp;
Sundan ang kuwento ni Pat dito sa <a href="https://www.youtube.com/watch?v=k9ZKaxyCjqE" target="_blank" rel="noopener">Raqi</a>&rsquo;s Secret Files.