Isang Kabisyo na naman natin ang sumulat sa Kumikinang na Tambalan dahil sa problema sa kanilang binubuong pamilya.
Ito raw kasing si Rose at ang kanyang asawa, simple lang ang pangarap sa buhay. Gustong-gusto lang daw talaga nilang magkaanak pero dahil sa sakit ni Rose, sinabi raw ng doctor na IVF o in vitro fertilization na lang ang paraan para magkaanak sila.
Ilang beses nang naudlot ang pag-harvest ng eggs ni rose dahil no'ng June, eh, naka-leave daw ang doctor niya. No'ng July naman, nasira raw ang machine. Nitong August ay natuloy na rin ang procedure, pero nakita naman sa ospital na may inflammation sa loob ni Rose at kung itutuloy ang embroyo transfer, maaaring tanggihan din ito ng katawan niya.
Pinayuhan siya ng doctor mag-hormonal therapy, pero hindi pa rin talaga maiwasan ni Rose ang ma-disappoint sa nangyayari sa kanilang mag-asawa. Habang tumatanda nga raw sila ay mas lumalalim ang takot nilang hindi na matuloy ang pangarap para sa pamilya. Minsan nga raw ay hindi niya maiwasang maikumpara ang sitwasyon sa mga mag-asawang madaling nakakabuo ng anak.
Kung noon daw ay successful procedure ang laman ng prayers niya, ngayon ay nagdadasal na rin siya na magkaroon ng lakas ng loob na tanggapin kung ano man ang plano ng Diyos para sa kanya.
Ano naman kaya ang masasabi ni Diego Bandido at Nicole Hyala sa sitwasyon ng Kabisyo nating ito? Pakinggan mo na ang buong episode dito!
<iframe style="border-radius: 12px;" src="https://open.spotify.com/embed/episode/4dGVbGTCcaeRNcFWDAzKzs?utm_source=generator" width="100%" height="352" frameborder="0" allow="autoplay; clipboard-write; encrypted-media; fullscreen; picture-in-picture" allowfullscreen="allowfullscreen" loading="lazy" data-testid="embed-iframe"></iframe>
MORE EPISODES <a href="https://open.spotify.com/show/4GXeXPKCR6BRXn6Lxj3X5U?si=50b6ad21284f4734" target="_blank" rel="noopener">HERE!</a>