Isang Kabisyo na naman natin ang dumulog sa Tambalan dahil sakal na sakal na raw siya sa kanyang biyenan!
Itong Tambalanista nating si Lizzy, 2 years na raw na kasal sa kanyang asawa. Bagama't kinikilig, eh, minsan ay nakakaramdam na rin daw siya ng inis.
Paano ba naman, lagi raw sumasabit sa mga lakad nilang mag-asawa ang biyenan niya. Kahit nga raw no'ng honeymoon nila, eh, nagpahiwatig pang gusto niyang sumama! Hahaha! Kahit simpleng date nights daw nila, apektado na. Minsan daw ay bigla-bigla na lang pumupunta sa bahay nila nang walang pasabi. At ito pa, Kabisyo! Ginagawa raw diary ng biyenan niya ang social media at makikita niya na lang na may naka-tag sa kanyang picture niya na magulo ang buhok o nakangiwi. HAHAHA! Nakakalurkei!
'Pag hindi naman daw nila kasama si mother-in-law, eh, panay ang pa-update sa kanila kaya kahit hindi nila kasama physically, parang nando'n din in spirit! Wahaha!
Sinubukan na raw niyang kausapin ang asawa niya tungkol dito, pero ang sabi lang daw sa kanya ay hayaan na lang kaya naman minsan, pinagmumulan na rin ito ng tampuhan nilang mag-asawa.
Hindi naman daw sila nagkukulang sa effort at pagmamahal sa biyenan, pero feeling niya ay hindi pa rin daw sapat 'yon. Ang tanong niya ngayon, paano niya ipapaintindi sa asawa at biyenan na hindi makasarili kung kakailanganin din nilang mag-asawa ng oras na sila lang dalawa? Paano nga ba mapapanatili ni Lizzy na buo ang relasyon nilang mag-asawa kung para silang tatlo sa relasyon na 'yon?
Sasagutin 'yan ng Kumikinang na Tambalan kaya pakinggan mo na ang buong episode niyang dito:
<iframe style="border-radius: 12px;" src="https://open.spotify.com/embed/episode/4PxspcuaKmzdbYcDDWJwP5?utm_source=generator" width="100%" height="352" frameborder="0" allow="autoplay; clipboard-write; encrypted-media; fullscreen; picture-in-picture" allowfullscreen="allowfullscreen" loading="lazy" data-testid="embed-iframe"></iframe>
MORE EPISODES&nbsp;<a href="https://open.spotify.com/show/4GXeXPKCR6BRXn6Lxj3X5U?si=50b6ad21284f4734" target="_blank" rel="noopener">HERE!</a>