Ngayong nakaraang Linggo, sinubok tayo ng dalawang magkasunod na bagyo. Nag-iwan ng pinsala si Bagyong Tino at Bagyong Uwan sa marami, pero sa kabila ng lahat, may mga bayaning lumutang ang tapang at puso para tumulong.
Isa sa mga bayani na &lsquo;to ay si Jayboy Magdadaro.
Gamit lang ang kanyang salbabida at bangka, nailigtas ni Jayboy ang halos 50 katao! Aba, hindi biro &lsquo;yan, mga Kabisyo! Mula 8 ng umaga hanggang 3 ng hapon, paulit-ulit siyang bumalik sa gitna ng baha para siguraduhing ligtas ang mga bata, buntis, at matatanda. Talagang walang sawa at takot siyang tumulong!
At ang pinakanakakabilib? 15 years old pa lang siya! Si Jayboy ang patunay na hindi hadlang ang edad o kakayahan para maging bayani&mdash;ang kailangan lang ay pusong handang tumulong.&nbsp;
Dahil sa kabutihan niya, deserve niya ang lahat ng biyaya na dumating sa kanya ngayon!
Si Jayboy, anak ng isang municipal sweeper sa Cebu, ay binigyan ng scholarship hanggang college, isang plaque of recognition mula sa Barangay Mabolo chairman, at P3,000 monthly allowance. Bukod dito, may mga nag-abot din sa kanya ng bagong damit at cellphone bilang pasasalamat.
Saludo kami sa&rsquo;yo, Jayboy! Sana&rsquo;y ingatan ka lagi ng Diyos at ng lahat sa paligid mo. Patuloy kang maging inspirasyon sa lahat ng ating mga Kabisyo!