Hi, DJ Raqi! Sana ma-hide ang identity ko. Gusto ko lang i-share &rsquo;yung isa sa mga pinagsisisihan ko sa buhay ko ngayon. I have a bestfriend for more than a decade now. Recently lang kami nagkasama ulit sa tagal naming nagkahiwalay ng landas. She&rsquo;s a married woman na at may mga anak. Masaya naman ang pagsasama nila, not until nagkaroon sila ng problema na sobrang sumubok sa pagsasama nila. Mabait ang kaibigan ko, ulirang ina, masipag magtrabaho, at mapagbigay sa kapwa. Noong nagkaproblema sila ng asawa niya, nakatagpo sya ng lalaking nagbigay sa kanya ng mga kakulangan ng asawa niya. Ang kakulangan na &rsquo;yon? Peace of mind.
Tuwing kasama at kausap niya &rsquo;yung guy, nagiging masaya siya. Sa&rsquo;kin niya lang sinabi ang sikretong &rsquo;yon at hinayaan ko na lang siya dahil kahit ano namang payo ko sa kanya na ikapapahamak niya lang &rsquo;yan in the long run, eh, at the end of the day, siya pa rin ang magdedesisyon para sa sarili niya. I met the guy (kabit niya.) No&rsquo;ng una, hindi ako komportable dahil na rin siguro sa takot na mahuli sila, madamay ako, at masira rin ang pamilya nila, pero anong magagawa ko? Masayang-masaya ang kaibigan ko na lagi ko na lang nakikitang malungkot o sobrang stressed sa life.
Alam ko, marami sa inyo ang maiinis at iisiping kinukunsinti ko siya. Hindi naman ako nagkulang ng paalala sa kanya at alam niya &rsquo;yon. Sa bawat pagkikita nila, sinasabi sa&rsquo;kin ng bestfriend ko &rsquo;yon. Minsan nga, ginagamit niya pa akong palusot sa asawa niya para lang magkita sila. Sa ilang buwan na relasyon nila, late na nalaman ng guy (kabit) na pamilyado na pala siyang tao.
Sundan ang kuwento ni Sai rito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files.