'Yung literal na pasabog na chika naman pala ang baon niyo!&nbsp;
Na-delay ang isang Bacolod-Manila flight dahil sa isang pag-uusap ng dalawang pasahero sa eroplano noong October 19 ng umaga. Gumagamit kasi sila ng gay lingo at nabanggit nila ang salitang 'watusi.'
Tinanong kasi no'ng isang pasahero sa kanyang kausap kung naubos na raw ba ang 'watusi' nito. Ang ibig sabihin ng watusi sa gay lingo ay condom. Sa karamihan, ang watusi ay isang paputok o firecracker. Dahil sa posibilidad na mayroon nga silang paputok, nilapitan sila ng flight attendant na nakarinig nito. Itinanong niya kung ano ang ibig sabihin ng watusi at naipaliwanag naman ng pasahero kung ano ang ibig sabihin nito. Humingi naman sila agad ng paumanhin kung maling ginamit nila ito sa loob ng eroplano.
Agad namang pinarating ng flight attendant ang sitwasyong ito sa piloto. Bilang precaution, pinababa muna ang lahat ng pasahero at ang kanilang mga bagahe para sa K9 bomb-sniffing inspection at security paneling. Wala namang nahanap ang inspection team at natuloy rin ang flight, ngunit ang dalawang pasahero ay ni-rebook na lang sa ibang flight.
Nakakalurkei ang happenings! Forda ingat-ingat muna tayo sa chikaness natin sa eroplano! Pang-madaling araw ang mga salitaan, eh! HAHAHA! 'Wag na sanang maulit para witchikels ma-Haggardo Verzosa sa flight!&nbsp;