Ilang araw matapos ang super trending na chika ni BJ Pascual tungkol sa engwentro kay Denise Julia, nag-post ang dalaga na siya muna ay mag-so-social media break at muling magbabalik next year.
Sabi ng dalaga, sa kanyang Instagram Story, ito na raw muna ang huli niyang post sa taong ito para na rin ma-restore ang kanyang focus.
Bago ang post na ito, inulan ng batikos ang dalaga dahil sa inispluk ni BJ Pascual sa YouTube Channel ni Killa Kush kung saan ikinuwento niya ang 'di umano'y hindi magandang karanasan sa dalaga.
Ayon kay BJ, kampo raw ni Denise Julia ang ilang ulit na tumawag sa kanya para sa isang project. Kahit marami nang naririnig si BJ tungkol kay Denise, tinanggap pa rin daw nito ang nasabing proyekto. Ang kaso, isang gabi bago ang shoot, nag-cancel daw ang team ni Denise Julia dahil sa conflict sa hairstylist. Hindi rin daw pumayag ang team nito na magbayad ng cancellation fee kahit na nakapag-set up na ang buong production team dahil wala naman daw confirmation ang nasabing shoot kinabukasan.
Nalurkei naman nang bonggang-bongga si BJ dahil kampo raw ni Denise Julia ang nag-set ng date ng shoot. Ang mas nakakalurkei pa, hindi manlang daw nakipag-ugnayan sa kanila ang dalaga para manlang humingi ng dispensa.
Ang ending, nag-shoot na lang daw sila ng ibang talent para na rin hindi masayang ang effort ng buong team.
Marami-rami na rin talaga ang hindi magandang chikang kumakalat tungkol kay Denise Julia. Well, sana naman ay makatulong sa kanya ang social media break at pag-re-restore ng kanyang focus para hindi na maulit ang mga ganitong eksena!
Para sa marami pang chika at nakakalurkei na balita, tambay ka lang dito sa Love Radio Manila!