Marami raw na-achieve, pero isang tanong na pang hayskul, hindi nasagot?
Nag-trending ang isang contestant na si Tony Dizon sa noontime show na "Its Showtime" matapos sagutin ang tanong na "Sino ang kauna-unahang babaeng presidente ng Pilipinas?" ng Gloria Macapagal Arroyo. Nahuli nito ang atensyon ng hosts at netizens dahil ipinagmamalaki niya no'ng una na marami raw siyang nakamit sa larangan ng akademya no'ng siya ay nag-aaral at sa kasalukuyang guro na siya.
Nabanggit ni Tony na nag-aral siya sa Saint Pedro Poveda College at naging parte ng isang research conference sa Seoul National University. Siya lang din daw ang nag-iisang Pilipino na nakasali roon. Bukod dito, nag-aaral din siya para sa kanyang master&rsquo;s degree at nagtuturo ng Literature at English.
Nagbiruan ang hosts na edukado naman daw siya ngunit hindi niya nasagot ang halos napakadaling tanong. Nang makatanggap ng samu't saring pambabatikos si Tony online, nagpaliwanag naman ito sa isang Facebook post na may time pressure kasi sa segment na "Throwbox" kaya hindi rin siya nakapag-isip at nakasagot ng maayos. Hindi rin naman daw siya nagyayabang dahil pinaghirapan niya ang achievements niya at deserve niya ang mga nakamit.
Nakakalurkei naman ang nangyari kay Tony! Kung ikaw ba ang nasa sitwasyon niya at gano'n din ang mangyari sa'yo, masasabi mo bang katanggap-tanggap ang pam-ba-bash na binabato sa'yo?&nbsp;