Napuno ng luha ang Love Radio Manila sa naganap na pamamaalam ng isa sa mga haligi ng radio industry na si Kambyo King&nbsp; Chris Tsuper.
Matapos ang isang linggong pagkawala ni Chris Tsuper sa programang Hey! Tambalan Na!, nabigyang linaw na ang mga ispekulasyon patungkol sa tunay na dahilan ng hina-hinalang pag-alis niya sa Love Radio Manila. Sa huling episode ng Tambalan, ipinaliwanag ni Kambyo King ang tunay na dahilan kung bakit siya nag-desisyon na iwan ang istasyon, pati na rin ang dalawampung taong pagsasama nila sa radio ng partner na si Nicole Hyala.
<iframe style="border: none; overflow: hidden;" src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2Floveradiomanila%2Fvideos%2F1672905050158216%2F&amp;show_text=true&amp;width=560&amp;t=0" width="560" height="429" frameborder="0" scrolling="no" allowfullscreen="allowfullscreen"></iframe>
Naging espesyal naman ang Kuwento ng Mahiwagang Burnay dahil ang mismong sulat ni Nicole Hyala para sa kanyang partner ang binasa niya para sa kanilang mga Tambalanista at masusugid na mga tagahanga. Naging emosyonal naman ang lahat at sa kauna-unahan pagkakataon, eh, nakita nating umiyak ang pinaka-nonchalant na DJ ng Love Radio Manila! Kasama na rin dito ang pagbibigay ng mensahe ng lahat ng Love Radio DJs kay Chris Tsuper, pati na ang mga staff ng Love Radio Manila na matagal na nilang kasama.
<iframe style="border: none; overflow: hidden;" src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2Floveradiomanila%2Fvideos%2F891774525805958%2F&amp;show_text=true&amp;width=560&amp;t=0" width="560" height="429" frameborder="0" scrolling="no" allowfullscreen="allowfullscreen"></iframe>
Hindi biro ang dalawampung taon na pinagsamahan ni Chris Tsuper at Nicole Hyala kaya naman maging ang mga Tambalanistang nanonood kanina, binaha ng luha ang mga mata. Sa dinami-rami ng karangalang natanggap nilang dalawa sa loob ng dalawang dekada, siguro nga ay napapanahon na para sa panibagong yugto ng buhay nilang dalawa.
Para kay Nicole Hyala, nawalan man ng hari ang aming reyna, marami naman kaming mga Kabisyo at Tambalanista ang patuloy na susuporta at sasama sa sa'yo hanggang dulo.
Para kay Chris Tsuper, masakit man sa puso ang paghihiwalay na 'to, asahan mong palagi pa rin kaming nakasuporta sa panibagong yugto ng buhay mo, saan ka man tumungo. Palagi mong tatandaan na kung ano't ano man ang mangyari, palagi kang may uuwiang pamilya rito sa Love Radio.
Mahal na mahal namin kayo, Tambalan! Maraming salamat sa dalawang dekada ng tawanan, kulitan, iyakan, at harutan! Natapos man ang Tambalan na 'to, habambuhay naman naming dadalhin ang mga kuwento at aral na inyong itinuro.
Sabi nga ni Nicole Hyala sa liham niya kay Chris Tsuper, "Huwag na huwag niyong kakalimutan 'yung mahabang panahon na pinagsamahan natin. Kasi ngayong natapos na, kapag binabalot tayo ng lungkot, 'yun 'yung magbabalik ng ngiti sa mga labi natin &ndash; 'yung mga alaala."
Hanggang sa muli, Kabisyong Chris Tsuper!