Sa nakaraang guesting ng beauty queen at singer na si Dia Mat&eacute;, ibinahagi niya na hindi naging madali ang pinagdaanan niya noong bata pa dahil sa pambubully ng mga kaklase sa eskwela.
Ayon kay Dia, Grade 4 pa lang siya nang maranasan niya ang pambubully ng mga kaklase niya. Nakatira raw kasi sila noon sa America at first time niyang pumasok sa co-ed school doon, pero agad niyang naranasan ang pagiging &ldquo;iba.&rdquo; Siya lang daw kasi ang Pinay sa klase. Madalas siyang pagtawanan dahil sa kanyang itsura at pananalita dahil sa kanyang Filipino accent.
Akala niya, pag-uwi ng Pilipinas ay magiging mas madali, pero hindi pa rin siya nakaligtas sa pambu-bully. May mga batang babae na pinagtatawanan siya dahil sa kanyang pangangatawan at mas maitim ang balat, dahilan kung bakit mas bumaba ang kanyang kumpiyansa sa sarili.
Dahil sa sunod-sunod na panghuhusga, naranasan ni Dia ang depresyon at anxiety, pero ang isa sa mga bagay ang hindi niya binitawan at ang musika. Para kay Dia, hindi lang basta libangan ang musika. Ito ay nagsilbi ring therapy niya kung saan nakahanap siya ng paghinga at espasyo kung saan puwede siyang maging totoo.
Ngayon, isa nang mental health advocate si Dia. Gusto niyang gamitin ang kanyang musika hindi lang para magpasaya, kundi para tumulong. Gusto niyang makaramdam ang mga tao na hindi sila nag-iisa at may boses sila sa bawat kantang pinakikinggan.
Pitong taong gulang pa lang daw si Dia nang magsimula siyang sumali sa mga advocacy work. Isa sa mga pinakapinahahalagahan niya ay ang pagtulong sa mga kabataang babae na naging biktima ng sexual abuse. Kaya naman ginagamit niya ang kanyang talento para bigyan ang mga batang ito ng outlet sa pamamagitan ng musika.
Para kay Dia, ang pag-aalaga sa mental health ay kasing halaga ng pag-aalaga sa katawan. Dapat pareho itong pinapahalagahan at tinututukan. Hindi nakakahiya ang humingi ng tulong, at hindi rin kailangang mag-isa. Kaya naman ang bawat kantang nililikha ni Dia ay may kasamang pag-asa para sa mga pinanghihinaan ng loob.
Panoorin ang buong interview ni Dia Mat&eacute; sa YouTube Channel ng Hangover PH para sa mas marami pang chika tungkol sa buhay niya!
Para sa marami pang chika at nakakalurkei na balita, siguraduhin lang na lagi kang nakatutok sa Love Radio Manila!