Hello, DJ Raqi! I&rsquo;m your avid listener and now, ako naman ang mag-she-share ng story ko with you. Itago mo na lang ako sa pangalang Yuki. I&rsquo;m 26 years old and currently working somewhere here in Manila.
Way back 2019, graduating ako ng college, I met Enzo. Typical na estudyante lang ako. Nag-aaral nang mabuti, masaya kahit hindi mataas ang grades basta&rsquo;t hindi bagsak, pero aaminin kong mahina ang isip ko dahil hindi ako madaling maka-pick up ng lessons namin noon. Opposite ko si Enzo, DJ. Kahit hindi siya mag-aral noon, nakakapasa siya sa lahat ng exams namin. Hindi mo makikitaang nagbabasa at kung madalas pa&rsquo;y bulakbol. Naging magkagrupo kami sa isa naming subject at naging magkalapit na kaibigan pa. Kada uwian ay naglalaan siya ng oras para turuan ako sa mga lesson na hindi ko gaanong maintindihan. Nagugustuhan ko na siya, DJ, dahil napakabait at haba ng pasensya niya sa akin, pero itinago ko ang nararamdaman ko dahil ayaw kong iwasan niya ako sa oras na malaman niya ito. Hanggang pagsapit ng graduation namin, umamin siyang gusto niya ako. Sobrang saya ng puso ko, DJ Raqi, dahil alam ko sa sarili kong hinihintay ko lang na bitawan niya ang mga salitang mahal niya rin ako.
Sinagot ko siya at naging maganda ang takbo ng pagmamahalang binuo namin. Naging legal kami both sides at wala namang naging problema sa pamilya namin. Pinaalalahanan lamang kami na makakapaghintay ang pamilya kapag may stable na kaming work pareho. Close siya sa parents ko, welcome na welcome ang bawat isa sa&rsquo;min. Kahit kasagsagan ng pandemya, hindi ko naramdamang nagkukulang siya ng oras para sa akin. Palagi niya pang hinihiling na sana ay bumalik na sa normal ang lahat para magkita na kami. Excited kaming dalawa na magkita dahil puro video call lang ang nagagawa namin. Hanggang last year June 2023, nagbakasyon ang pamilya nila sa probinsya kasama siya. Hindi ako nakasama dahil working na ako at hindi ko puwedeng iwan ang trabaho ko. Okay naman ang lahat. Plano ko pang sundan siya ro&rsquo;n kapag naging maluwag ang schedule ko. September last year, hindi na niya ako masyadong kinakausap. Nagtataka na rin ako dahil lagi raw siyang may ginagawa kahit na noon, mag-te-text or chat siya kapag magiging busy ang araw niya.
Malapit na rin kasi ang anniversary namin kaya ang nasa isip ko, baka naghahanda dahil taon-taon siyang may surpresa para sa akin na medyo kinakiliti ng puso ko. Ang nasa isip ko naman, sosorpresahin ko rin siya. Pupunta ako sa province nila na alam ko naman kung paano pumunta dahil naisama na nila ako ro&rsquo;n maraming beses na. September 22 ang anniversary namin kaya naisip kong bumiyahe nang madaling araw para maaga rin akong makarating sa kanila. Apat na oras ang biyahe mula rito sa Manila. Habang nasa biyahe, iniisip ko na ang magiging reaksyon niya. Excited akong makita siya at ang buong pamilya niya. Pagkarating ko ro&rsquo;n, seven pa lang ng umaga, pero nagluluto na ang mama niya at mga tita niya. Ikinagulat pa nila na nakarating daw ako kahit na ang sabi ni Enzo ay busy daw talaga ako sa trabaho. Pinaakyat nila ako sa taas dahil paniguradong tulog pa ang boyfriend ko at siguradong matutuwa &rsquo;yon sa pagdating ko. Alam ko ang kuwarto na tinutulugan ni Enzo dahil dito rin ako natutulog kapag nagbabakasyon, pero mukhang mali ako ng hinintuang pinto dahil may naririnig akong babae. Ingay na alam kong pleasure ang pinanggagalingan. Pamilyar sa&rsquo;kin ang boses at bago pa ako makaalis ay narinig ko na tinawag niya ang pangalan ng boyfriend ko, &ldquo;Uh, Enzo...&rdquo; Nanlamig ako sa kinatatayuan ko.
Sundan ang kuwento ni Yuki rito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files.