Mayroong PCOS, adenomyosis, myoma, at reproductive immune disorder ang Tambalanista nating si Shella kaya nahirapan silang magka-anak ng asawang si Norvin. Maliban sa emotional struggles ay dama rin nila ang bigat ng gastusin sa pagpapagamot at in-vitro fertilization.&nbsp; Naging matagumpay lamang ang IVF nila sa ikalawang subok kung saan kinailangang magretiro sa trabaho ni Shella. Sa kabila nito, sinuportahan pa rin siya ng asawang si Norvin na nag-doble kayod pa para mabayaran ang medical bills.&nbsp; Nagbunga naman ang paghihintay nilang mag-asawa matapos niyang maipanganak ang malusog na kambal na babae noong Pebrero. Habambuhay niya raw ipagpapasalamat ang pagkakaroon ng asawang tulad ni Norvin na hindi siya sinukuan, bagkus ay pinanindigan sa gitna ng mga pagsubok. Alamin ang buong kuwento mula kina <a href="https://www.facebook.com/DJChrisTsuper" target="_blank" rel="noopener">Chris Tsuper</a> at <a href="https://www.facebook.com/DJNicoleHyala" target="_blank" rel="noopener">Nicole Hyala</a> rito sa Mahiwagang Burnay. &nbsp;