Nakilala ng Tambalanista nating si Bea ang kaibigang si Ed noong fourth year high school sila. Naging malapit lamang sila sa isa’t isa noong nag-college sila dahil sa isang pustahan sa basketball.

Namalayan na lamang ni Bea na nasasabik na siya sa tuwing magkakausap sila. Isang araw, hiningian niya ito ng sulat kung saan hindi man direkta, inamin ni Ed na may nararamdaman ito para sa kanya, pero hindi niya sinagot ang sulat.

Nawalan sila ng ugnayan hanggang sa naging seaman na si Ed. Bago ito sumampa sa barko ay nag-chat ito sa kanya gamit ang dummy account dahil selosa ang girlfriend niya.  Naging bestfriends sila hanggang magkaroon ng kani-kaniyang pamilya.